(Express) Sot, Policia e EULEX-it në bashkërendim me Njësinë e Operacioneve Speciale të Policisë së Kosovës (ROSU), kanë arrestuar pesë persona. Sami Lushtaku është ndalë në mbajtje. Këtë e ka konfirmuar avokati i Sami Lushtakut, Arianit Koci. "Me kërkesë të prokurorit special sot Sami Lushtaku është ndalë në mbajtje policore. Ai dyshohet se ka kryer krime lufte dhe ka shkelur konventën e Gjenevës", tha Koci. ...

(Koha) Bisedimet kryeministri i Kosovës, Hashim Thaçi, dhe homologu i tij nga Serbia, Ivica Daçiq, janë “pajtuar në parim” për tekstin e zbatimit të marrëveshjes. Sipas saj, siç raporton KTV, deri në fund të vitit do të duhej të përfundonte procesi i integrimit të strukturave paralele të sigurisë nga veriu i Kosovës në strukturat e policisë së Kosovës dhe të sistemit gjyqësor. Për zbatimin e disa pikave do të duhet edhe ndryshim i ligjeve apo krijim i një kornize ligjore. ...

(Jeta në Kosovë) Ish-kreu i Task-Forcës Antikorrupsion, prokurori i Prokurorisë Speciale Nazmi Mustafi nga e enjtja ka dalë në anën e kundërt të ligjit. Ai nga Gjykata Themelore në Pejë është dënuar me pesë vjet burg dhe me gjobën prej 10 mijë eurosh. Bashkëpunëtorët e tij, vëllezërit Reshat e Xhelal Zherka morën dënimin prej 4 vjetësh burg dhe gjobën e njëjtë si Mustafi, derisa Mirela Ndoci u dënua me 3 muaj burg dhe po ashtu 10 mijë euro gjobë. Derisa vendimi të bëhet I plotfuqishëm Mustafi do të mbahet në paraburgim në Burgun e Dubravës. ...

(Express) Gjatë seancës së sotme të Kuvendit të Kosovës, deputetët e opozitës kanë kritikuar Qeverinë e Kosovës rreth nënshkrimit të një marrëveshje javën e kaluar nga një kompani amerikane dhe Ministrit të Resurseve Natyrore dhe Minierave të Serbisë, Millan Baçeviq për Trepçën. Ndërsa, Ministri i Punëve të Jashtme Enver Hoxhaj, ka thënë se kjo kontratë e nënshkruar është kundërligjore, e paefektshme dhe se kanë qenë në kontakt me departamentin amerikan të shtetit dhe se ata e kanë këshilluar kompaninë që të mos nënshkruaj asgjë me Serbinë për minierën e Trepçës. ...

(Kosova Sot) Shefi i Grupit Parlamentar të Lëvizjes "Vetëvendosje", Visar Ymeri, ka kërkuar që Qeveria e Kosovës, e madje edhe Departamenti amerikan i Shtetit të deklarohen pas lajmit të dhënë ditë më parë për nënshkrimin e një marrëveshje bashkëpunimi siç është thënë, ‘afarist e teknik’ ndërmjet konsorciomit amerikan "New Generation Power (NGP)" dhe kombinatit “Trepça”. Sipas tij, pazaret e tilla, janë si rezultat i bisedimeve të zhvilluara në Bruksel. "E ashtuquajtura marrëveshje midis Kathurias dhe Ministrit të Resurseve Natyrore dhe Minierave të Serbisë, Millan Baçeviq, vjen si pasojë e veprimeve e vendimeve të Qeverisë së Republikës së ...

(REL) Kryeministri britanik, David Cameron, është kthyer në Londër për të koordinuar përgjigjen e qeverisë së tij, pas vrasjes së një personi nga dy sulmues të dyshuar islamikë. Para se të nisej nga vizita në Francë, Cameron ka thënë se vrasja është një “krim i tmerrshëm”, me indikacione të fuqishme të “aktit terrorist”. “Mendimet tona duhet të jenë me viktimën, familjen dhe miqtë e tij. Njerëzit në Britani dhe në çdo komunitet, besoj se do ta dënojnë këtë sulm. Ne kemi pasur këso lloj sulmesh edhe përpara në vendin tonë dhe ne kurrë nuk jemi shtrënguar përballë tyre”, ka thënë Cameron. ...

(Bota Sot) Myftiu i Kosovës Naim Tërnava dhe disa bashkëpunëtorë të tij kanë aplikuar për statusin e veteranit të UÇK-së. Myftiu Tërnava, si kontribut në luftë ka përmendur disa mijëra marka e ndihma ushqimore dhe sanitare për refugjatët shqiptarë në zona të ndryshme të luftës. Sipas myftiut, kjo është e mjaftueshme për të marrë statusin e veteranit të luftës. ...

(Zëri) Lidhja Demokratike e Kosovës ka reaguar lidhur me sondazhin e publikuar së fundi. Sipas LDK'së, Radio-Televizioni i Kosovës, mbrëmë, një pjesë të mirë të edicionit qendror të lajmeve dhe pjesën qendrore të programit ia kushtoi një "sondazhi të porositur nga PDK-ja, me kinse rezultatet për përkrahjen që kanë subjektet politike në Kosovë". ...

(Expresss) Deputetët e Kuvendit të Serbisë do të qëndrojnë në Kosovë sot e nesër, njofton Tanjug. Ata do të mbajnë një mbledhje me rektorin dhe dekanët e Universitetit të Prishtinës, siç e quan Beogradi Universitetin serb në Mitrovicë, do të bisedojnë me zëvendësdrejtoren e Zyrës për Kosovën, Malinka Mitrovic, me përfaqësuesit e komunave të pjesës veriore të Kosovës dhe titullarë të tjerë ilegjitimë serbë. ...

(Lajm) Rreth 60 mijë euro i ka shpenzuar Kuvendi i Kosovës për blerjen e llaptopëve për deputetët dhe disa pajisje të zërimit. Ky institucion që udhëhiqet nga Jakup Krasniqi ka shpallur të mërkurën fituesin e këtij tenderi kompaninë “PBC-Kosova”, e cila kishte konkurruar me një çmim prej 59 mijë e 23 euro, krahas çmimit më të lartë prej rreth 70 mijë euro. ...

(Lajm) Me ftesë të zëvendëssekretarit gjeneral të NATO-s, ambasadorit Aleksander Vershbow, të enjten, ministri i Forcës së Sigurisë të Kosovës, Agim Çeku së bashku me komandantin FSK-së, gjenerallejtënant Kadri Kastratin, udhëtuan për në Bruksel, ku do të zhvillojnë takime të shumta me personalitetet më të larta të NATO-s. ...

(Shekulli) Prej disa ditësh, eksponentë të Partisë Socialiste dal në deklarata për shtyp duke numëruar mbrapsht ditët e mbetura deri në mbajtjen e zgjedhjeve parlamentare. Sot në deklaratën për mediet të deputetes, Vasilika Hysi ajo numëroi arsye për të cilat kryeministri Sali Berisha do të mbahet mend pas 23 qershorit. “Kryeministri në ikje do të mbahet mend nga shqiptarët si kryeministri i drejtësisë të mohuar, i drejtësisë të penguar, i drejtësisë të shndërruar në mall, si dhe të drejtësisë të ...

(Shekulli) Partia Demokratike çeli fushatën në Kukës, ku prezantoi kandidatët për deputet të Qarkut të Kukësit. Ndërsa përmendi arritjet e Partisë Demokratike në Kukës, Has dhe Tropojë, Berisha sulmoi ashpër kreun e PS-së, Edi Rama dhe vizitën e tij në Kosovë para disa muajsh. "Në rrugën tonë ka probleme, por është më e suksesshmja dhe ne kemi bërë gjithçka për të mbajtur premtimet tona. Alternativa tjetër është ajo e akuzave, akuzave akuzave e poshtërimit të Shqipërisë e shqiptarëve. ...

(Ora News) Partia Socialiste prezanton sot në pallatin e sportit “Asllan Rusi” kandidatët e saj për Tiranën. Në një mesazh të publikuar në rrjetin social “Facebook” kryesocialisti Rama ka ftuar të gjithë qytetarët të marrin pjesë ndërsa ka shtuar se kjo fushatë është edhe festë. “Sot në 18.00 në Pallatin e Sportit “Asllan Rusi”, prezantojmë superskuadrën e Rilindjes për Tiranën. Me shumë kënaqësi ftoj të gjithë ndër ju që e keni mundësinë të na bashkoheni, të vini dhe të ndajmë bashkë çastet ...

(Albinfo) Gjermania është kombi që shihet të jetë më pozitivi në botë, në sondazhin e sivjetëm për vlerësimin e vendeve nga “BBC World Service”. Më shumë se 26 mijë njerëz në mbarë botën janë intervistuar për të realizuar këtë anketë. Ata u pyetën nëse ndikimi i vendeve në botë ishte "kryesisht pozitiv" ose "kryesisht negativ". Gjermania doli në krye të listës me vlerësim 59%, që shikohet të jetë kombi më pozitiv në botë, e Irani doli të jetë më negativi. ...

(Panorama) Kancelarja gjermane, Angela Merkel, është vlerësuar për herë të tretë radhazi si gruaja më e fuqishme në botë nga revista e biznesit, “Forbes”. Ajo pasohet nga Presidentja e Brazilit, Dilma Rusef dhe në vendin e tretë ndodhet Melinda Gejts, si bashkëdrejtuese e fondacionit të bamirësisë “Bill dhe Melinda Gejts”. Lista që ka përfshirë personalitete nga e gjithë bota, zotërohet nga amerikanët. Mishel Obama, Zonja e Parë amerikane e cila në vitin 2010 ishte në vendin e parë në renditje, këtë vit radhitet e katërta. Sipas “Forbes”, të zgjedhurat përfaqësojnë gratë që ...

(REL) Revista amerikane “Forbes”, për të tretin vit me radhë, ka vendosur kancelaren gjermane, Angela Merkel, në krye të listës së grave më me ndikim në botë. Ajo pasohet nga presidentja e Brazilit, Dilma Rousseff, ndërsa në vendin e tretë qëndron Melinda Gates, bashkëshortja e miliarderit Bill Gates dhe udhëheqëse e fondacionit “Bill dhe Melinda Gates”. Lista vjetore e Forbes-it përfshin gratë me ndikim në politikën globale, biznese, media, teknologji dhe organizata jofitimprurëse, duke i radhitur në bazë të parave dhe pranisë në media. ...

(Panorama) Aktorja e famshme shqiptaro-amerikane, Eliza Dushku është bërë bionde. Ndryshimin e ngjyrës ajo e ka ndarë me miqtë e saj në Instagram, ku menjëherë nga salloni ku ka “ngjyrosur” flokët ka postuar fotografitë. Nga komentet, Eliza duhet të mbetet e kënaqur, pasi të gjithë e kanë aprovuar pozitivisht ndryshimin e saj në pamjen e jashtme. ...