(REL) Shtetet e Bashkuara të Amerikës janë të përcaktuara që të mos i ndryshojnë raportet me Kosovën, ka deklaruar të mërkurën në Prishtinë, ambasadori Christopher Hill. Këto komente, diplomati amerikan i bëri gjatë ceremonisë së organizuar në Universitetin e Prishtinës, ku ai dhe ambasadori austriak Wolfgang Petritsch u nderuan me titullin “Dr.Honoris Causa”. Me këtë rast, ambasadori Hill u ka thënë të pranishmëve se me përparimet që po bën shteti i Kosovës, po nderon të kaluarën, të tashmen dhe gjeneratat që vijnë. ...

(Zëri) Serbia vazhdon lojën e obstruksioneve për të zvarritur procesin e implementimit të marrëveshjes së arritur më 19 prill në Bruksel në mes kryeministrit të Kosovës, Hashim Thaçi, dhe atij serb, Ivica Daçiq, me qëllim që të përfitojë sa më shumë nga procesi i negociatave. Ndonëse kanë kaluar dy muaj nga koha kur shefat e dy qeverive (Thaçi-Daçiq) nën ndërmjetësimin e shefes për Politikë të Jashtme të Bashkimit Evropian, Catherine ...

(Express) Deputetit Fatmir Limaj dhe të akuzuarve të tjerë për “Rastin Kleçka” i është vazhduar masa e arrestit shtëpiak edhe për dy muaj të tjerë. Këtë e ka thënë për Express avokati i Limajt Tom Gashi. “Kryetari i trupit gjykues, në rastin Kleçka, gjyqtari i Eulexit zotni Malcolm Simmonsm ka sjell vendim me të cilin i ka vazhduar masën e arrestit shtëpiak z.Fatmir Limajt dhe 9 bashkëluftëtarëve të tij edhe për 2 muaj, deri me 18 gusht 2013, ...

(Tribuna) Qeveria serbe ka marrë vendim për ndërprerjen e financave për policët e MUP-it që veprojnë në veri të Kosovës. Këtë e ka konfirmuar zv/kryeministrja e Kosovës, Edita Tahiri, të martën, pas takimit maratonik me delegacionin e Serbisë në Bruksel. Tahiri ka thënë për Tribunën, se vendimi i Qeverisë serbe është prezantuar gjatë takimit, ku kanë qenë të pranishëm edhe lehtësuesit e Bashkimit Evropian. “Mund të them se sot pala serbe ka njoftuar se qeveria në Beograd ka marrë vendim për t’i ndërprerë pagat për policinë ilegale që ka vepruar në pjesën veriore të Kosovës. ...

(Express) Tre persona kanë gjetur vdekjen, prej se ka nisur sezoni i pickimit të rriqrave. Këtë e ka konfirmuar për Express Sali Ahmeti shefi i repartit të infektives në QKUK. Ahmeti thotë se dy nga viktimat që gjetën vdekjen nga ethet hemorragjike që janë shkaktuar nga pickimi i rriqrave ishin nga rajoni i Malishevës, derisa i treti ishte nga komuna e Rahovecit. “Aktualisht kemi 12 raste të pacientëve tek të cilët kemi gjet virusin në gjak. 11 janë nga Malisheva dhe një nga Rahoveci, tre prej tyre njëri fëmijë janë në gjendje më të rëndë shëndetësore”, tha Ahmeti për Express. ...

(Epoka e Re) Zëvendëskryeministri Bujar Bukoshi, i cili ka qenë i liruar nga detyra, me t’u shpallur i pafajshëm nga Gjykata Themelore në Prishtinë, ndaj akuzave për shpërdorim të detyrës zyrtare dhe autorizimeve, është shprehur i gatshëm për të kontribuar për vendin. Mirëpo Bukoshi nuk ka treguar se kur do t’i kthehet punës në Qeverinë e Kosovës në postin e zëvendëskryeministrit. Nuk kam menduar për këtë çështje, sepse kam qenë i preokupuar me procesin gjyqësor. Për këtë çështje do të informoheni së shpejti. Aktualisht për mua është më i rëndësishëm fakti që ky proces gjyqësor ka përfunduar ashtu siç është dashur të përfundojë. ...

(RTV21) Presdentja e Kosovës Atifete Jahjaga dhe ai i Serbisë Tomislav Nikoliq janë ftuar që më 30 qershor dhe më 1 korrik të marrin pjesë në ceremoninë e hyjres së Kroacisë në BE e pjesërmarrja e tyre do të rregullohet me modelin “Gymnich”, ka njoftuar kabineti i kryetrait kroat Ivo Josipoviq. Sipas modelit Gymnich në ceremoni nuk paraqiten simbolet shtetërore dhe emrat e shteteve por vetëm emrat e pjesrëmarrësve. ,Meqë bëhet fjalë për një mëngjes pune joformal, ngjarja do të shënohet sipas formulës “Gymnnich”, kanë njoftuar mediat kroate. ...

(Kosova Sot) Në Bruksel, nesër do të takohen sërish kryeministri i Kosovës, Hashim Thaçi dhe ai i Serbisë, Ivica Daçiq. Ata pritet të diskutojnë për përparimin në zbatimin e marrëveshjes së prillit, bazuar në planin që dy palët kanë miratuar muajin e kaluar. Lajmin e ka konfirmuar edhe shefja e politikës së jashtme të Bashkimit Evropian, Ketrin Eshton, e cila ka thënë se dy kryeministrat do të diskutojnë për përparimin në zbatimin e Marrëveshjes së prillit, bazuar në planin që dy palët kanë miratuar muajin e kaluar ...

(Zëri) Ndonëse sivjet është vit i zgjedhjeve lokale, partitë politike tashmë kanë nisur fushatën elektorale edhe përkundër faktit se ato s’janë shpallur ende zyrtarisht. Analistët politikë dhe ekspertë zgjedhorë konsiderojnë se partitë politike tentojnë që të prodhojnë lajm, sepse gjate dy viteve të fundit kanë mbetur nën hijen e bisedimeve mes Prishtinës dhe Beogradit si dhe nën hijen e arrestimeve të fundit të të dyshuarve për krime lufte. Ata vlerësoj se partitë politike kosovare (së bashku me PDK-në) nuk dinë më se ç’ka t'u thonë kosovarëve, sepse nuk janë reformuar. ...

(Tribuna) Shtetet anëtare të NATO-s po e mendojnë seriozisht reduktimin e mëtutjeshëm të KFOR-it. Burime të gazetës kanë thënë se në Këshillin Veriatlantik (institucionin më të lartë politik vendimmarrës në NATO) janë duke u bërë diskutime që gjatë vitit 2014 të reduktohet trupa paqeruajtëse e kësaj organizate në Kosovë deri në jo më shumë se 4 mijë trupa. Të njëjtat burime kanë shpjeguar se varësisht nga zhvillimet në veri të Kosovës, pas Marrëveshjes së Brukselit do të vendoset edhe për fazat se si do të ndodhë reduktimi. ...

(REL) Aktivistë të Lëvizjes Vetëvendosje kanë ndërmarrë disa aksione nëpër qytetet e Kosovës në kundërshtim të ratifikimit të Marrëveshjes së arritur me Serbinë. Një aksion i tillë është ndërmarrë diku pas orës 21:00 edhe në Prishtinë, para ndërtesës së Qeverisë së Kosovës, ku këta aktivistë kanë djegur shkronjat e fjalës “marrëveshje”. “Marrëveshja legalizon strukturat ilegale të Beogradit. Ajo ju ofron amnisti dhe dorasit që organizuan krime dhe spastrimin e etnik të Kosovës tashmë do të ecin të lirë dhe kjo marrëveshje shkel sovranitetin e Kosovës”, ka thënë me këtë rast, kryetari i Qendrës së Prishtinës së këtij subjekti politik, Berat Lahu ...

(Ora News) Ethet se kush do të qeverisë Shqipërinë në 4 vitet që vijnë i kanë përfshirë të gjithë. 5 ditë përpara mbajtjes së zgjedhjeve “Ora News” dhe IPR Marketing publikojnë të dhënat e sondazhit të 4-t kombëtar dhe atë rajonal të qarkut të Elbasanit. Si forca politike Partia Socialiste kryeson me 41.5 përqind e ndërsa Partia Demokratike ndodhet 2.5 pikë më poshtë me 39 %. LSI ka zbritur në kuotën e 5.7 % e ndërsa partitë e tjera të spektrit të majtë marrin sëbashku 3.8 %. ...

(Ora News) Partia Demokratike ka zhvilluar sot mitingun përmbyllës në Bulqizë dhe Peshkopi. Në fjalën e tij në Bulqizë, kryeministri Berisha shprehu besimin se në 23 qershor Bulqiza si bastion i së djathtës do të votojë Partinë Demokratike. Ka ftuar socialistët të votojnë PD-në në 23 qershor, kryeministri nuk la pa sulmuar edhe kryesocialistin Rama për mosdeklarimin e pasurisë. “Shoku i autobuzit ndërton vilën 57 metra të gjatë, pallatin pesëkatësh dhe nuk tregon një qindarkë, mese po i ndërton. Po e them edhe njëherë ...

(Shekulli) Edi Rama, kryetari i Partisë Socialiste, zhvilloi këndin e radhës me banorë të Përrenjasit. Problemet e banorëve u fokusuan tek legalizimet, minierat dhe tek pushimi nga puna. “Prona në Shqipëri është bërë lesh e li, çdo vit që kalon komplikohet. Asaj i janë mbivendosur orekset e oborrit të kryeministrit që i ka transformuar çështjet e pronës në një çështje pushtimi. Pushtim i pronave nëpërmjet abuzimit me ligjin dhe shtetin, në të 4 anët, duke privuar shqiptarët pronarë, duke mos ...